El boıynsha «Nur Otan» fılıaldarynyń basshylary – ákimderdiń qatysýymen partıanyń óńirlik Saıası keńesteri Búrosynyń otyrystary ótti. Onda árbir óńirde, qala men aýdanda saılaýaldy ýádelerdiń iske asyrylýyn baqylaý jónindegi jańa qoǵamdyq keńesterdiń basshylary men quramdary bekitildi.

Ortalyq apparattyń baspasóz qyzmeti habarlaǵandaı, buǵan deıin Elbasy, partıa lıderi Nursultan Nazarbaevtyń tapsyrmasy boıynsha barlyq óńirlerde «Nur Otan» partıasynyń 217 saılaýaldy baǵdarlamasyn iske asyrý boıynsha Jol kartalary qabyldanyp, jaýapty depýtattar men oryndaýshylar bekitilgen. Jyldar men naqty is-sharalardy kórsetilgen 80 myńnan astam ındıkatorǵa qol jetkizý kózdelip otyr.

Partıa lıderi qoıǵan mindetterdi eskere otyryp, saılaýaldy baǵdarlamalardyń naqty baǵyttaryn júıeli baqylaý úshin óńirlik jáne aýmaqtyq deńgeıde 1 738 qoǵamdyq keńes quryldy.

Keńesterýdiń quramyna 11 388 belsendi, onyń ishinde máslıhat depýtattary, partıalyq kadrlyq rezerv ókilderi, óńirde bedeldi jáne jergilikti jerlerdegi túıindi máselelerdi jaqsy biletin azamattar, sarapshylar jáne t. b. kirdi.

Partıa jańa keńesterdiń jumysy qoǵamdyq pikirdi eskere otyryp, partıanyń elimiz boıynsha barlyq qoǵamdyq qabyldaý bólmelerine azamattardan kelgen ótinishterdi taldaý negizinde jarıa formatta qurylatynyna ýáde beredi.

Buǵan deıin Saıası keńes Búrosynyń sheshimimen taratylǵan partıalyq kýratorlar ınstıtýtynyń ornyna «Nur Otan» saılaýaldy baǵdarlamasynyń naqty baǵyttarynyń iske asyrylýyn baqylaý boıynsha 14 respýblıkalyq qoǵamdyq keńes qurylǵan bolatyn.

Ótken aptada májilistiń jáne barlyq deńgeıdegi máslıhattardyń 600 jas depýtatynan turatyn Korpýstyń qurylǵany týraly aıtylǵan-dy. Nurotandyq jas depýtattar jastardy qoldaýǵa jáne zań shyǵarý prosesinde olardyń múddelerin qorǵaýǵa kúsh-jigerlerin biriktirýge nıetti.