Prezıdent Qasym-Jomart Toqaev Bas prokýror Ǵızat Nurdáýletovti qabyldady, dep Aqorda saıty habarlady.

Bas prokýror memleket basshysyna eldegi zańdylyq pen quqyq qorǵaý salasynyń ahýaly, prokýratýra organdarynyń birinshi jartyjyldyqta atqarǵan jumystarynyń qorytyndylary týraly aıtqan.

Sondaı-aq qylmystyq prosestiń 3 býyndy modeline kóshýdiń birinshi kezeńin iske asyrý nátıjeleri týraly aqparat berdi.

Ǵ. Nurdáýletovtiń aıtýynsha, sotqa deıingi tergeý organdary prokýrorlarmen negizgi sheshimderin kelisýdiń arqasynda azamattardyń konstıtýsıalyq quqyqtaryn buzý 33 paıyzǵa azaıǵan.

Kezdesý barysynda bas prokýror kásipkerlerdi memlekettik organdardyń zańsyz áreketterinen qorǵaý, prokýrorlyq qadaǵalaýdy bıznestiń problemalaryn tıimdi sheshýge qaıta baǵdarlaý boıynsha berilgen  tapsyrmalardy oryndaý jóninde qabyldanyp jatqan sharalar týraly aıtty.

Jyl basynan beri 22 myń kásipkerdiń quqyǵy qorǵalǵan, 357 zańsyz tekserý men memlekettik organdardyń 56 aktisi joıylǵan.

Toqaev qoǵamnyń barlyq salasynda zań ústemdigin qamtamasyz etýdiń mańyzdylyǵyn atap ótip, Ǵızat Nurdáýletovke birqatar tapsyrma berdi.