Afroamerıkalyqty óltirgen polıseı soty aldynda qara násildi qyz polısıa qolynan qaza tapty

/image/2021/04/21/crop-4_19_725x966_mycollages-2021-04-21t125344.844.jpg

AQSH-tyń Ogaıo shtatyndaǵy Kolýmbýs qalasynda polısıa qyzmetkeri 16 jastaǵy qara násildi qyz Makaııa Braıant atyp óltirgen, dep jazady bbc.

Oqıǵa 20 sáýirde jergilikti ýaqyt boıynsha shamamen 16:45-te bolǵan. Bir top qyz qaza bolǵan qyzdyń úıiniń aldynda janjal shyǵaryp, oqıǵa ornyna polısıa kelgen.

Kolýmbýs polısıa qyzmetkeriniń keýdesindegi kameraǵa túsirilgen vıdeodan qaza tapqan Makaııa Braıanttyń áldekimge pyshaqpen shabýyl jasamaq bolǵany kórsetilgen. Artynsha, polıseı oǵan birneshe ret oq atady.

Polısıa qyzmetkeri Makaııa Braıant onyń "jerge jat" degen talabyn oryndamaǵandyqtan oq atýǵa májbúr bolǵanyn jetkizdi.

 
 
 

Qazirgi tańda tergeý júrip jatyr. Jergilikti bılik turǵyndardy sabyr saqtaýǵa shaqyrýda.

Artynsha, birneshe aqparat quraly oqıǵa orny men polısıa ǵımaratynyń aldynda narazy adamdar toby jınalǵanyn jazdy.

Kolýmbýstaǵy atys eks-polıseı Derek Shoven byltyr mamyr aıynda afroamerıkalyq Djordj Floıdty óltirgeni úshin kináli dep tanylǵan sot otyrysyna az ýaqyt qalǵanda bolǵan.

Derek Shoven Floıdty ustaý kezinde ony kisendep, jerge qulatyp, moınyn tizesimen basyp turǵany vıdeoǵa túsip qalǵan. Bul kadrdan keıin álemniń kóptegen elinde násilshildik pen polıseılerdiń laýazymyn asyra paıdalanýyna qarsy jappaı narazylyq aksıalary ótken.

 
 

 

Pikir qaldyrý

Qatysty Maqalalar