Halyqaralyq "Alash" ádebı syılyǵynyń ıegeri, aqyn Járken Bódeshuly ómirden ótti.
Járken Bódeshuly 1944 jyly 15 mamyrda QHR-dyń Tarbaǵataı aımaǵy Toly aýdanyndaǵy Jaıyr taýynda dúnıege kelgen. Azan shaqyryp qoıǵan aty –Jarmuhammed.
QazMÝ-diń jýrnalısıka fakúltetin bitirgen. Merzimdik basylymdarda jáne memlekettik Kitap palatasynda jaýapty qyzmetter atqarǵan. Dúnıejúzi qazaqtarynyń qaýymdastyǵynda bólim meńgerýshisi bolǵan.
Ár alýan basylymdarda aqynnyń "Ańyraqaı beketindegi oı", "Qaraýyl tóbe", "General Jahar Dýdaev", "Ot pen sý" ("Soros– Qazaqstan" qorynyń júldesi berilgen), "Tas besik", "Bostandyqtyń basy", "Sher", "Jalǵyz" atty dastandary jarıalanǵan.
Halyqaralyq «Alash» ádebı syılyǵynyń jáne Túrki tilder elderi poezıasy İİ festıvaliniń laýreaty, Q.Sátbaevtyń 150 jyldyq mereıtoıyna arnalǵan halyqaralyq músháıranyń bas júldegeri atanǵan.
Shyǵarmalary: Kókshe quraq. Óleńder men poemalar. A., "Jalyn", 1979; Qos qanat. Óleńder. A., "Jazýshy", 1982; Zeıin. Óleńder men poemalar. A., "Jalyn", 1984; Aspan daýsy. Óleńder men poemalar. A., "Jazýshy", 1985; Nurly boıaýlar. Óleńder men poemaportretter. A., "Jalyn", 1988; Juldyzǵa ornyn aı bermes. Óleńder men poemalar. A., "Sózstan", 1996; Emender túnde búrleıdi. A., "Ana tili", 2001; Bóriniń asyǵy. A., "Jazýshy", 2005; Burylys. A., "Sózdikslovar", 2007.
Pikir qaldyrý