Almaty polısıasy turaqty esirtki jelisin joıǵanyn habarlady. Onyń quramyna 30 jasqa deıingi 10 adam kirgen. Topty 1994 jyly týǵan H.esimdi azamat qurǵan.

Áleýmettik jeli qoldanýshylary ustaý kezinde túsirilgen vıdeodan Q-Pop baǵytynda óner kórsetetin MadMen tobynyń solısi men top prodúserin tanyǵanyn jazyp jatyr.

– Esirtki bıznesine qarsy kúres basqarmasy qyzmetkerleriniń kózine H. esimdi azamat 2020 jyldyń qyrkúıek aıynda ilikti. Qolda bar jedel málimetterge sáıkes, toptaǵy adam birneshe aıdan beri Almatyda sıntetıkalyq esirtkini óndirýmen jáne satýmen aınalysqan. H. esimdi azamat jáne onyń "kómekshileri" qylmystyq áreketi resmı túrde qujattaldy. Onyń ár kómekshisiniń rólderi naqty taǵaıyndalǵan. Mysaly, logıstıkalyq kompanıa arqyly Reseı Federasıasynan sıntetıkalyq esirtki zattaryn óndirýge arnalǵan komponentterdi jetkizýge úsh adam jaýap berdi, olardyń biri qyz bala, eki jas jigit – kasır, ótinimder qabyldaýǵa jaýapty boldy, taǵy tórt er adam – qalanyń Naýryzbaı, Bostandyq jáne Alataý aýdandarynda jıi jumys istegen esirtki kepilgerleri, – dedi Almaty qalalyq Polısıa departamenti bastyǵynyń orynbasary Berik Ábilbekov.

Sıntetıkalyq esirtkini óndirý úshin paıdalanylatyn jalǵa beriletin turǵyn úıdi tintý barysynda quramynda belgili bir ıisi bar aq untaq zat salynǵan polıetılen paket, sondaı-aq ósimdik tektes jasyl untaqty zat tabylǵan.

– Esirtki zerthanasy atrıbýtıkasynyń kóp bóligi Almaty mańyndaǵy jalǵa alynǵan taǵy bir úıde tabyldy. Atap aıtqanda, untaq jáne kesek túrindegi zattar, elektrondyq tarazy, qabaty bar zerthanalyq shyny kolbalar, untaq pen kesek túrindegi qabattar bolǵan ónimderdi jáne qasyqtardy keptirýge arnalǵan ár túrli shyny ydystar, eki magnıttik aralastyrǵysh, bir myń túrli tústi polıetılen paketi, zerthanalyq jaǵdaıda qoldanylatyn protıvogazdardyń eki jıyntyǵy qylmystyq iske tirkeldi. Ustalǵandardyń aıtýy boıynsha, tárkilengen zattar – "mefedron" esirtki zaty bolyp tabylady. Sot-hımıalyq saraptama taǵaıyndaldy. Kúdiktiler PD ýaqytsha ustaý ızolátoryna qamaldy, – dep qorytyndylady Ábilbekov.