Prezıdent Qasym-Jomart Toqaev Atyraý oblysynyń áleýmettik-ekonomıkalyq damý máseleleri jóninde keńes ótkizdi, dep habarlady Aqorda saıty.

Toqaev keńeste avtojoldardy damytý máselesine toqtaldy. Ol oblysta jol apatynyń jıilep ketýi eldi alańdatyp otyrǵanyn aıtty. Byltyr óńirde 232 jol-kólik oqıǵasy tirkelip, sonyń saldarynan 69 adam qaıtys bolǵan. Ásirese "Oral-Atyraý" tas jolyna basa nazar aýdarý keregin jetkizdi.   

– Úkimet pen oblys ákimdikteri 2025 jylǵa deıin jergilikti jerlerdegi joldardyń 95 paıyzyn jóndep, retke keltirýge tıis. 2019 jyldan bastap búkil elimiz boıynsha osy maqsatqa jyl saıyn respýblıkalyq búdjetten 50 mıllıard teńge bólinýde. Jol qurylysyna jáne ony jóndeýge jergilikti búdjetten de qarjy jumsalady. Nátıje joq dep aıtýǵa bolady. Jóndelgen joldyń kóbi bir jyl ótpeı jaramsyz bolyp qalady. Muny ashyq aıtý kerek, – dedi prezıdent.

Sonymen qatar Toqaev "Nur-Sultan – Almaty" avtojolyn jóndeý jumystarynyń da áli kúnge aıaqtalmaǵanyn aıtyp, bul joldy 2023 jyly paıdalanýǵa berýdi tapsyrdy. Bul jumys úkimet pen ákimderdiń udaıy nazarynda bolýy qajet ekenin eskertti.