Qaı adam da, qaısy dindi ustaýshy da úm­it­ten aıy­rylmaýǵa tyrysady. Rasy, úmitin jo­ǵalt­qan adam­nyń – ómiriniń mán-maǵynasy da jo­ıylady. Kerek deseńiz, qatty qınalyp, qa­palyqqa túsken kisiniń de tizesin búktirmeı, ta­banyn taıdyrmaıtyn kúsh – bolmashy maz­da­ǵan úmit shyraǵy. Bálkim, bul – lapyldap-alaý­laǵan jalyn da bolmas, dese de, az ǵana shy­raqtyń ózi pendeniń rýhyn syndarmaı, erteńge jeteleıdi...

Qazaq bıliginiń qazirgi munar-shyńyndaǵy úki­met basshysy Kárim MÁ­SİM­­OV bas­tap, Ulttyq bank tóraǵasy Qaırat KELİMBETOV qostaǵan bir top bilimi taıaz, biligi kem top – qazaq dalasyndaǵy úmit shyraǵyn «úp» dep úrlep, sóndirip tastady...

Abaı aıtqan: «Ótirik, ósek, maqtanshaq, erin­shek, beker mal shashpaq»-tyń arty ashylyp, úkimet pen bas bank jetekshileriniń jetesizdiginiń kesirinen teń­geniń AQSH dollaryna shaqqandaǵy baǵamy - 1 AQSH dollary - 270 teń­ge­den asyp, AI-92 markaly benzınniń 1 lıtriniń baǵasy – 128 teńgege bir-aq sharyqtady. Dollar men benzınniń baǵasy as­pan­ǵa shapshyp jatsa, álgi maz­daǵan úmit shyraǵyn «jalp» sóndirip alǵandar jerge basymen shanshyla qadalyp, jermen-jeksen bolýda.

Senbi kúni Almatyda bir jas ana óziniń 8 jáne 2 jastaǵy eki balasyn bes­inshi qabattan bir-birlep jer­ge laqtyryp-tastap, sońy­nan ózi sekirdi. Úlken balasy sol jerde qaıtys boldy, qazir kishisi men anasy aýrýhananyń «Jan saqtaý» bóliminde jatyr.

Bul - jurtqa málim jal^­ǵyz mysal ǵana. Al, eli­mizdiń barlyq aımaǵy boı­ynsha qandaı qaıǵy-qasi­ret­terdiń oryn alyp jat­qandyǵy Allaǵa ǵana aıan!

Túıin mynaý: obal-saýap­tyń ne ekenin bilse, sońǵy onshaqty jyldyń kóleminde qaıta-qaıta úkimet bas­qar­yp:«Qazaqstanda daǵ­­da­rys bolmaıdy, biz kerisinshe ındýstrıaldyq-ınnovasıalyq damý deń­geıin kóterýdemiz» - dep, jalǵan sóılep, halyqty aldaǵan úkimet basshysy Kárim Másimov álgi besinshi qabattan laqtyrylǵan sá­bıdi; al, «Teńgemizdiń qýaty kúshti, Qazaqstanda devalvasıa bolmaıdy» - dep málimdegen Ulttyq banktiń tóraǵasy Qaırat Kelimbetov qıa­nat kórgen anany jeke qam­qorlyǵyna alyp, asy­rap-baqsyn! Menińshe, naǵyz ádildik – osylaısha bastalýǵa tıis! Árkim óziniń sózi men isine jaýap bersin!

Árıne, tıisti oryndar bul qasyretti «otbasylyq kıkiljińge», «kúıeýiniń qa­tal­dyǵyna», «enesiniń es­siz­digine» jaýyp, buryp ji­berýdi qazirdiń ózinde bas­tap ketti. Tipti, «otaǵasy meshitte jumys isteıdi eken» degen asyl dinimizge qarsy dálelsiz dáıekter da aıtylyp qaldy.

Bizdińshe, bul – elimizdegi jan túrshigerlik tuńǵysh jaǵ­daı bolǵandyqtan, munyń sebep-saldary tym tereńde jatqan sıaqty..

Qajymuqan ǴABDOLLA