Aqtóbe oblysyndaǵy Samara-SHymkent tasjolynda jol apaty bolyp, eki adam qaza tapty. Bul týraly Aqtóbe oblysy polısıa departamentiniń baspasóz qyzmeti habarlady.

Departament málimetinshe, oqıǵa 3 mamyrda bolǵan. "Samara-SHymkent" tasjolynda, "Tulpar" kempıng mańynda "VAZ-2105" kóligi men "KamAZ" júk kóligi soǵysqan.

Avtokólik júrgizýshisi Qyzylorda oblysynyń 33 jastaǵy turǵyny, júk kóliginiń júrgizýshisi 40 jastaǵy Qyzylorda qalasynyń turǵyny ekeni anyqtaldy. Apat saldarynan VAZ avtokóliginiń júrgizýshisi men 29 jastaǵy jolaýshysy oqıǵa ornynda kóz jumdy.

Qazirgi tańda atalǵan oqıǵa boıynsha qylmystyq kodekstiń 345-baby 4-bólimi ("Abaısyzda adam ólimine ákep soqtyrǵan jol qozǵalysy erejelerin buzý") boıynsha tergeý amaldary júrgizilip jatyr.