Qazaqstannyń bas sanıtar dárigeri Erlan Qıasov koronavırýs ınfeksıasynyń taralýyn aldyn alý maqsatynda jańa qaýly jarıalady.

Qaýlyǵa sáıkes bazarlarǵa birqatar talap qoıyldy:

• Saýda obektisiniń aýmaǵyna maskasyz kirgizilmeıdi;
• Obekti ákimshiligi men jaýapty adamdar kelýshiler men qyzmetkerlerdiń mindetti túrde maska kıýin, sondaı-aq áleýmettik qashyqtyqty saqtaýyn qadaǵalaıdy;
• býtıkterdiń aldynda adamdar kóp jınalmas úshin qorshaýlar men tosqaýyl taspalar, eden tańbalar, sondaı-aq ırek belgi qoıylady;
• Saýda obektisiniń ákimshiligi satýshylar arasynda keminde 2 metr áleýmettik qashyqtyqty saqtaıdy;
• Taýar satatyn adamdar saýda aımaqtarynda (býtıkterde) 1 adamǵa saýda alańynyń 4 sharshy metri esebinen áleýmettik qashyqtyqtyń saqtalýyn qamtamasyz etedi;
• Sanıtarlyq sharalardy saqtaý qajettiligi týraly radıotranslásıa keminde 60 mınýtta 1 ret júzege asyrylady.

Saýda obektisiniń menshik ıesi mynalardy qamtamasyz etýge tıis:

• menshik ıesi sanıtarlyq-epıdemıologıalyq talaptardyń saqtalýyn, temperatýrany ólsheý, personalǵa nusqaý berý, jeke qorǵanysh quraldaryn ýaqytyly aýystyrý, dezınfeksıalaý, antıseptıkalyq quraldardyń bolýyn qadaǵalaıdy;
• saýda býtıkterine jáne kireberisterde dezınfeksıalaý jumystaryn júrgizýge tıis;
• halyqqa qyzmet maskamen kórsetiledi.

Saýda-oıyn keshenderine jáne fýd-korttardyń qyzmetine qoıylatyn talaptar:

• Kireberistegi adamdardyń jáne mekemedegi qyzmetkerlediń dene temperatýrasy tekserip kirgiziledi;
• Saýda obektisiniń kúzet qyzmeti kelýshilerdiń, qyzmetkerlerdiń mindetti túrde maska kıýin, sondaı-aq áleýmettik qashyqtyqty saqtaýyn baqylaıdy;
• Fýd-korttardyń toltyrylýy áleýmettik qashyqtyqty saqtalǵan kezde 1 kelýshige 4 sh.m. esebimen qamtamasyz etiledi;
• adamdar kóp jınalatyn mádenı-buqaralyq, saltanatty, otbasylyq, estelik, ujymdyq is-sharalar, konferensıalar, semınarlar jáne t.b. ótkizýge tyıym salynady;
• 5 jasqa deıingi balalardy qospaǵanda, fýdkort aýmaǵyna maskasyz kirýge tyıym salynady;
• Kelýshiler shotty tóleý kezinde baılanyssyz aýdarymdar men tólemderdi júzege asyrýy úshin tıisti jaǵdaı qamtamasyz etiledi.

Teatrlarǵa, konserttik uıymdarǵa qoıylatyn talaptar:

• Ashylý aldynda obektide dezınfeksıalaý quraldaryn qoldana otyryp, tolyq tazalaý jumysy júrgiziledi;
• Daıyndyq kezinde adamdardyń sany keminde 2 metr áleýmettik qashyqtyqty saqtaý múmkindigi esebinen zaldar boıynsha bólinedi;
• Obektiniń aýmaǵyna maskasyz kirýge jol berilmeıdi;
• Kirý bıletterin onlaın rejımde ala alady;
• Áleýmettik qashyqtyqty qamtamasyz etý úshin kasa janyndaǵy aımaqtarda jáne kezekter paıda bolatyn basqa da oryndarda edenge belgiler ornatylady;
• Mádenı obektilerge kelýshilerge bótelkedegi sý men sýsyndardy qospaǵanda, tamaq ónimderin satýǵa jol berilmeıdi;
• Kórermen zalynyń syıymdylyǵy 100 otyrǵyzý ornyna deıin bolatyn teatrlarda 25 kórermennen asyrmaı toltyrýǵa jol beriledi;
• Kireberiste, holdarda, foıede, dálizderde, lıftterge kireberiste, sanıtarıalyq toraptarda teri antıseptıgi bar sanıtaızerler ornatylady.

Qaýlynyń tolyq nusqasymen myna silteme arqyly tanysýǵa bolady.