Qaraǵandy oblysynda balalar janjaldasyp, onyń arty ákeler qaqtyǵysyna ulasqan, dep habarlady ekaraganda.kz saıty.
Saıt málimetinshe, oqıǵa 8 mamyrda keshki saǵat 9-da Temirtaýdaǵy shaǵyn aýdandardyń birinde bolǵan. Aýlada kámeletke tolmaǵan eki balanyń arasynda janjal shyǵyp, ata-anasy balalaryn ajyratý úshin syrtqa shyqqan.
Saıt málimetinshe, oqıǵa 8 mamyrda keshki saǵat 9-da Temirtaýdaǵy shaǵyn aýdandardyń birinde bolǵan. Aýlada kámeletke tolmaǵan eki balanyń arasynda janjal shyǵyp, ata-anasy balalaryn ajyratý úshin syrtqa shyqqan.
Mán-jaıdy anyqtaý barysynda balalardyń biriniń 43 jastaǵy ákesi 32 jastaǵy ekinshi ákeni betinen urǵany anyqtaldy. Artynsha soqqy alǵan er adam úıinen myltyq ákelip, eki ret áýege oq jaýdyryp, qashyp ketedi.
Atys kezinde zardap shekkender joq.
Atalǵan derek qylmystyq kodekstiń 293-baby 3-bóligi boıynsha qylmystyq is retinde tirkeldi.
"Jasyrynǵan adamdy ustaý úshin oblystyń ishki ister organdarynyń jeke quramy jumys istep jatyr. Tergeý júrýde" delingen Qaraǵandy oblysy polısıa departamentiniń baspasóz qyzmetiniń habarlamasynda.
Pikir qaldyrý