Májilis Tóraǵasy Nurlan Nyǵmatýlın Uly Otan soǵysynyń ardagerleri men tyl eńbekkerlerine maıdandaǵy jeńisteri úshin alǵys bildirip, erlik pen batyrlyqtyń úlgisine aınalǵan 9 mamyr - Jeńis kúnimen quttyqtady.

​- Qazaqstandyqtardy Uly Jeńis kúni merekesimen shyn júrekten quttyqtaımyn! Bul meıram - eren erliktiń, asqaq rýhtyń jáne qaharmandyq pen qaısarlyqtyń, batyldyq pen birliktiń sımvoly. Osyǵan oraı, bolashaq urpaǵyna baqyt syılap, maıdan dalasynda erlik tanytqan jáne tylda qajyrly eńbek etken ardagerlerimizge bas ıip, taǵzym etemiz.

Qazaqstannyń Tuńǵysh Prezıdenti-Elbasy Nursultan Ábishuly Nazarbaev jáne Memleket Basshysy Qasym-Jomart Kemeluly Toqaev árqashan soǵys ardagerleri men tyl eńbekkerlerine qoldaý kórsetip, maıdandaǵy jaýyngerlerdiń erligi týraly máńgi este saqtaýǵa erekshe kóńil bóledi.

Sondyqtan da, bizdiń árqaısymyzdyń qasıetti paryzymyz - uly qundylyqtar - beıbitshilik pen kelisimdi saqtaý jáne nyǵaıtý, - dedi Májilis Tóraǵasy.

Sonymen qatar, Nurlan Nyǵmatýlın elimizge tynyshtyq, barsha halyqqa zor densaýlyq, mol baqyt, beıbit ómir tiledi.