Bir táýlikte elde 2350 adamnan koronavırýs tabylyp, 22 naýqastan pnevmonıa anyqtalǵan. 24 adam koronavırýstan, 2 adam pnevmonıadan qaıtys bolǵan. Bul týraly densaýlyq saqtaý mınıstrligi habarlady.

Elde koronavırýs juqtyrǵandardyń jalpy resmı sany 342 589 adamǵa jetse, 2020 jylǵy 1 tamyzdan bastap júrgizilip kele jatqan pnevmonıa statısıkasyna sáıkes, 53 540 adamnan pnevmonıa anyqtalǵan.

9 mamyrdaǵy aqparat boıynsha 41 878 adam koronavırýs pen pnevmonıadan emdelip jatyr. Olardyń ishinde 14 844 pasıent stasıonarda, 27 034 naýqas ambýlatorıalyq deńgeıde em qabyldaýda. İndetke shaldyqqandardyń arasynda 798 adamnyń jaǵdaıy aýyr, 190 pasıenttiń jaǵdaıy óte aýyr, 104 naýqas ÓJJ apparatynda jatyr.

2021 jylǵy 9 mamyrdaǵy málimet boıynsha Qazaqstanda 1 678 604 adam koronavırýsqa qarsy vaksına saldyrdy.