Qazaqstan óńirlerinde jastar arasynda ekologıalyq sana men mádenıet deńgeıin arttyrýǵa, qorshaǵan ortaǵa uqypty qaraýǵa, árbir eldi mekende ekologıalyq jaǵdaıdy túzetý maqsatynda «Kıeli tabıǵat» ekologıalyq jobasy bastaý aldy.

Osy jobanyń josparyna sáıkes búgin 8 mamyr - “Estelik saıabaǵy” kúni.
Osyǵan oraı, búgin Mańǵystaý oblysynyń jastary men volonter uıymdar birlesip 14 shaǵyn aýdanǵa 40-qa jýyq aǵash kóshetterin otyrǵyzdy. Sonymen qatar, qalaǵa abattandyrý jumystaryn júrgizip, saıabaqtardy kúl-qoqystardan tazartty.

Ekologıalyq joba 15 mamyr kúni jastar jáne volonterlar uıymdarynyń qatysýmen barlyq óńirlerde parkter men skverlerdi tazalaý maqsatyndaǵy «Taza parkter» ekologıalyq aksıasymen jáne 25 mamyr kúni barlyq óńirlerde «Kıeli Tabıǵat» ekologıalyq ploggıng ótkizý sharalarymen jalǵaspaq.