Almaty qalasy ákimdiginde birqatar kadrlyq ózgerister boldy.

Mádenıet jáne sport mınıstrligine vıse-mınıstr qyzmetine aýysqan Erlan Qojaǵapanovtyń ornyna Serik Qusaıynov taǵaıyndaldy. Al Qusaınovtyń burynǵy qyzmeti Almaly aýdanynyń basshylyǵyna Erjan Seıtenov keldi.

Serik Dosymhanuly Qusaıynov 1964 jyly Almaty oblysynda týǵan. Qazaq aýyl sharýashylyǵy ınstıtýty, Reseı federasıasy prezıdentiniń janyndaǵy Reseı halyq sharýashylyǵy jáne memlekettik qyzmet akademıasyn támámdaǵan.

Ár jyldary Almaty qalasynyń komýnaldyq sharýashylyq kásiporyndarynda sheber, bas ınjener, basqarýshy dırektor sekildi qyzmetter atqarǵan. Sońǵy qyzmetinde Almaly aýdanynyń ákimi boldy. 

Almaly aýdanyna ákim bolyp taǵaıyndalǵan Erjan Seıtenov 1974 jyly dúnıege kelgen. Ol H. A. Iassaýı atyndaǵy halyqaralyq qazaq-túrik ýnıversıtetinde bakalavrıat bitirip, magıstr dárejesin alǵan.