Kásipker Isataı Ańsat ózine tıesili burynǵy áskerı bólimdi Rıdderdegi órtten zardap shekkenderge arnap baspana salý úshin qaıtarymsyz negizde paıdalanýǵa berýge ázir ekenin málim etti.

Ol Óskemendegi Sogrınskıı 223/42 mekenjaıynda ornalasqan 3800 sharshy metrlik burynǵy áskerı bólimge tıesili ákimshilik ǵımarat pen kazarma, seh óziniń kompanıasynyń menshiginde ekenin, nysandy jóndep kádege asyrýǵa bolatynyn málim etti.

"Eger ákimshilik kerek dep tapsa, bitpegen ǵımarat pen qajetti ýchaskeni órtten zardap shekkenderge úı salý maqsatynda qaıtarymsyz negizde berýgá ázirmin" dep jazdy kásipker facebook-te.

Keshe Rıdder qalasyndaǵy sharýashylyqtardyń birinde qýraǵan shóp janyp, jalyn aǵashtardy sharpyn, onyń arty úlken órtke ulasqan. Kúshti jel saldarynan órt kórshi Lesqoz aýylyna qaraı jyldam taralyp, turǵynúıler birinen soń biri otqa orana bastady. Sonyń saldarynan 35 úı, 9 ǵımarat órtenip, 1948 jylǵy áıel qaza tapty, 1949, 1980 jylǵy 2 adam zardap shekti.

Qazirgi ýaqytta turǵynúı alqaby men sharýashylyq qurylystarynda órt tolyq sóndirilgen, orman alqabynda sóndirý jumysy jalǵasyp jatyr.