Búgin májilis spıkeri Nurlan Nyǵmatýlınniń tóraǵalyǵymen búro otyrysy ótip, onda aldaǵy jalpy otyrystyń kún tártibi naqtylandy.

Depýtattar qaraýyna birqatar ratıfıkasıalyq zań jobalary usynyldy. Atap aıtqanda, Qazaqstan men Reseı arasyndaǵy polár mańyndaǵy orbıtalarǵa soltústik baǵytta ǵarysh apparattaryn ushyrý úshin «Baıqońyr» ǵarysh aılaǵynan «Soıýz-2» tıpindegi tasymaldaǵysh zymyrandardy ushyrýǵa qatysty kelisimdi, sondaı-aq, eki el arasyndaǵy «Baıqońyr» keshenin jalǵa berý shartyna baılanysty zań jobalary bar.

Aldaǵy jalpy otyrysta depýtattar áleýmettik kásipkerlikti damytý máseleleri boıynsha túzetýlerdi jáne Salyq kodeksine tolyqtyrýlar engizý týraly zań jobalaryn II oqylymda qaramaq.

Sonymen qatar, palata búro otyrysynda depýtattar birqatar jańa zań jobalaryn jumysqa alýdy kózdeıdi. Olar: reıderlikke qarsy kúresti kúsheıtý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz aınalymyna kedergi keltiretin sharalardy kúsheıtý máselelerine qatysty, sondaı-aq,  saqtandyrý naryǵyn jáne baǵaly qaǵazdar naryǵyn retteý men damytý máseleleri týraly zań jobalary.   

Májilistiń baspasóz qyzmeti