Palata spıkeri Nurlan Nyǵmatýlınniń tóraǵalyǵymen májilis búrosy Rıdderdegi turǵyndarǵa kómek kórsetý úshin májilis depýtattarynyń bir kúndik jalaqysyn aýdarý týraly Qaýly qabyldady. Bul týraly májilistiń baspasóz qyzmeti habarlady.

Qarajat Shyǵys Qazaqstan oblysynyń Rıdder qalasyna orman órti saldarynan zardap shekken turǵyndardyń úılerin qalpyna keltirýge baǵyttalady.

Keshe Rıdder qalasyndaǵy sharýashylyqtardyń birinde qýraǵan shóp janyp, jalyn aǵashtardy sharpyn, onyń arty úlken órtke ulasqan. Kúshti jel saldarynan órt kórshi Lesqoz aýylyna qaraı jyldam taralyp, turǵynúıler birinen soń biri otqa orana bastady. Sonyń saldarynan 35 úı, 9 ǵımarat órtenip, 1948 jylǵy áıel qaza tapty, 1949, 1980 jylǵy 2 adam zardap shekti.

Oblys ákimi Danıal Ahmetov órtten zardap shekkenderdiń barlyǵyna  baspana beriletinin, oǵan eki jarym aı qajet ekenin málim etti. Múlik shyǵyndary boıynsha, arnaıy komısıa jumys istep, shyǵyn qunyn anyqtaıdy jáne ótemaqy taǵaıyndaıdy.

Qazirgi ýaqytta turǵynúı alqaby men sharýashylyq qurylystarynda órt tolyq sóndirilgen, orman alqabynda sóndirý jumysy jalǵasyp jatyr.