Almatydaǵy Memlekettik ortalyq mýzeıde Jeńis kúnine oraı "Erlikke taǵzym – ardagerlerge qurmet"  qaıyrymdylyq aksıasy ótti. Aksıa ardagerlerge áleýmettik qoldaý kórsetý maqsatynda uıymdastyryldy.  

Atalmysh aksıa aıasynda Ortalyq mýzeı qyzmetkerleri  sanıtarlyq-epıdemıologıalyq normalardy saqtaı otyryp, "Ardagerlerimizdi birge quttyqtaımyz!" baǵyty boıynsha mýzeıdiń turaqty seriktesteri men demeýshileri usynǵan syılyqtardy tabys etý úshin  ardagerlerdiń úıine  jol bastady.

"Erlikke taǵzym – ardagerlerge qurmet"  qaıyrymdylyq aksıasy ardagerler bizge syılaǵan beıbit kún úshin alǵys pen rızashylyq  bildirýdiń taǵy bir múmkindigi boldy. Aksıada A.Rozybaqıev atyndaǵy №153 mektep gımnazıasy men №176 mektep gımnazıasy oqýshylary óner kórsetti. 

QR Ortalyq mýzeıiniń «Erlikke taǵzym – ardagerlerge qurmet» qaıyrymdylyq aksıasy aıasynda Uly Otan soǵysy ardagerlerine qoldaý kórsetkender: Almaty qalasyndaǵy QHR Bas konsýldyǵy, JK «Alamát» prodúserlik ortalyǵy, «Mıras» analar qoǵamdyq birlestigi, «By ArT» kórkem stýdıasy, «Buketych FLOWERS» gúlder dúkeni, «Bostan» JSHS,  «Magnum Cash&Carry» JSHS, CEZARO JK, ZUGO HOME TEXTILE kompanıasy,  «Alataý-qus» JSHS, «Sabiland» JSHS, «METRO Kesh end Kerrı» JSHS, «Nazık» JSHS, «Tea House» - TM «ASSAM shaı» JSHS, «APTEKAPLÚS» JSHS, «Lemonadoff Food» JSHS, «Jannanyń baýyrsaqtary»,  «Platinum sharks 2.0» JK, «VITA BOTTLERS KAZAHSTAN» JSHS, «ORIMI SA»-Kofe Jardin» kompanıasy.