Reseı fedarasıasy Tatarstan avtonomıalyq respýblıkasynyń astanasy Qazanda qarýlanǵan er adam mektepke shabýyl jasap, oq atty. Sonyń saldarynan 9 adam qaza tapty, birneshe adam jaralandy dep jazady mbk-news.appspot.com saıty.

Alaıda bir derekterde qazaq tapqandar sany 11-ge deıin, keı derekte 13-ke deıin artqany týraly aqparat tarap jatyr.

Oqıǵa Qazan qalasyndaǵy Djaýdata Faızı kóshesinde ornalasqan №175 mektep sabaq kezinde bolǵan.

Polısıa mektepke oq atqan 19 jastaǵy Ilnaz Galávıev esimdi adamdy ustady. Kúdikti buryn osy mektepte oqyǵany anyqtaldy.

Kúdikti bul iske barmas buryn, telegram jelisinen kanal ashyp, oıǵa alǵan isi týraly jazǵany belgili boldy.

"Qudaı sekildi meniń quldarym ekenderińdi moıyndaǵandaryńdy qalaımyn. Barlyǵyn, men ne qalaımyn, sonyń bárin isteýleriń kerek. Árqaısysyń 10-nan asa adamdy jer jastandyryp, ózińniń de quryǵanyń jón. Álemde tiri jan qalmaýy kerek, bul ǵalamshardyń qateligi" delingen bir jazbasynda. 

Ekinshi jazbasynda "búgin kóp bıoqoqysty óltirip, óz-ózime qol salamyn" deıdi kúdikti.

Tatarstan prezıdenti Rýstam Mınnıhanov atalǵan derekti terorıstik áreket retinde baǵalady.

Qazir qalada terorızmge qarsy operasıa rejımi engizildi. Barlyq oqý oryndarynda qaýipsizdik sharalary kúsheıtildi.

Tatarstanda 12 mamyr – aza tutý kúni bolyp jarıalandy.

Zaderjanıe odnogo ız napadavshıh. Vıdeo: Readovka pic.twitter.com/GsQmBFvTIM

— MBH medıa (@MBKhMedia) May 11, 2021