Májilis tóraǵasy Nurlan Nyǵmatýlın zymyran tasyǵyshtardyń apaty saldarynan bolǵan ekologıalyq zalaldy óteýdiń naqty tetigin ázirleý qajet dep sanaıdy.

Májilistiń jalpy otyrysynda Qazaqstan men Reseı arasyndaǵy "Baıqońyr" ǵarysh aılaǵynan soltústik baǵytta polárly orbıtaǵa ǵarysh apparattaryn ushyrý úshin "Soıýz-2" tıpti zymyran-tasyǵyshtardy ushyrýdy júzege asyrý jónindegi yntymaqtastyq týraly kelisimdi ratıfıkasıalaý týraly zań jobasyn talqylaý barysynda depýtattar ekologıany qorǵaý jáne "Soıýz-2" tıpti zymyran-tasyǵyshtardyń shtattan tys qulaýy nemese avarıasy saldarynan materıaldyq zalaldy óteý máselesin kóterdi

Otyrys barysynda májilis  tóraǵasy zıan keltirilgeni qandaı qujat arqyly anyqtalatyny jóninde másele kóterdi.

Syrtqy ister vıse-mınıstri Marat Syzdyqov túsindirgendeı, jeke kelisim bar, oǵan sáıkes Reseı tarapy zalaldy tóleýge kepildik alady, biraq tájirıbe kórsetkendeı, bul rásim uzaq jyldarǵa sozylady.

Osyǵan baılanysty Nurlan Nyǵmatýlın ekologıalyq zalaldy óteý tetigi tıisti qujattarda bekitilýi tıis dep esepteıdi.

– Biz seriktesterimizben materıaldyq zalaldy óteý týraly naqty kelisýimiz kerek. Bizde kepildik bar. Biraq bul kepildikter jumys isteýi úshin ne qajet? Bul birlesken qujat bizdiń seriktesterimizben pysyqtalýy tıis, – dedi Nurlan Nyǵmatýlın zań jobasyn ázirleýshilerge.

Óz kezeginde zań jobasyn ázirleýshiler, Sıfrlyq damý, ınovasıalar jáne aeroǵarysh ónerkásibi mınıstrligi másele jaqyn arada pysyqtalyp, nátıjeleri depýtattarǵa usynylatyn bolady dep sendirdi.

Májilistiń baspasóz qyzmeti