Májilis otyrysynda "Aq jol" fraksıasynyń depýtaty Andreı Lınnık Qazaqstanda atys qarýyna ruqsat berýdi baqylaýdy qatańdatý, sondaı-aq bilim berý nysandaryn kúzetý jumysyn kúsheıtý bastamalaryn kóterip, premer-mınıstr Asqar Mamınge depýtattyq saýal joldady.

Andreı Lınnık Qazanda bolǵan qaıǵyly oqıǵany eske túsirip, mektepter men mektepke deıingi mekemelerdiń, terorızmge qarsy qaýipsizdigi týraly zańnamadaǵy talaptarǵa nazar aýdarý kerektigin aıtty.

Depýtattyń sózinshe, Qazaqstanda terorıstik turǵydan nysandardy qorǵaý álsiz.

– Nelikten bizde zań boıynsha alkogóldi 21 jastan, al qarýdy 18 jastan bastap satyp alýǵa bolady? Qarý-jaraqqa lısenzıa alý úshin esirtki jáne psıhonevrologıalyq dıspanserlerden esepte turmaǵany týraly anyqtama berý jetkilikti, –  degen depýtat qarý alǵysy keletin adamǵa qoıylǵan talap tyń jeńil dep sanaıdy.

Onyń pikirinshe, qarý ustaýǵa lısenzıa berý jasyn 18-den 24 jasqa deıin kóterý, atys qarýyn alyp júrýge jáne saqtaýǵa ruqsat berý máselesin qaıta qarastyrý qajet.

Joǵaryda aıtylǵandarǵa baılanysty "Aq jol" fraksıasynyń depýtattary bilim berý oryndarynyń terorızmnen qorǵaný júıesine qoıylatyn talaptardy qaıta qaraýdy usynyp, qoǵamdyq oryndardy kúzetetin kúzet qyzmetkerlerine qarý alyp júrýge jáne olarǵa keshendi ǵana emes, adamdardyń qaýipsizdigin de qorǵaýdy júkteý bastamasyn kóterdi.