"Reseıdiń qorǵanys mınıstri ejelgi jaýyngerler tobyn klondaýdy usyndy" dep habarlady Yahoo.news.com basylymy.

Orys geografıalyq qoǵamynyń onlaın-sessıasynda Reseı prezıdenti Vladımır Pýtınniń jaqyn serigi, qorǵanys mınıstri Sergeı Shoıgý 3000 jyldyq skıf jaýyngerleriniń DNQ-syn olardy tiriltý úshin qoldanýdy usyndy.

"Aqparattar boıynsha, bastapqyda qazirgi Irannan shyqqan skıf halqy b.z.d 9 jáne 2 ǵasyrlar aralyǵynda Eýrazıany aınalyp ótip, birneshe ǵasyrlar boıy qýatty ımperıa qurdy. Keıin básekelesteriniń kúshimen joıyldy" dep jazǵan basylym 20 jyl buryn arheologtar Sibirdiń Týva aımaǵyndaǵy qorǵannan ejelgi sarbazdardyń jaqsy saqtalǵan qaldyqtaryn tapqanyn aıtady.

Málimetterge sáıkes, Ońtústik Sibirdegi aýaraıyna baılanysty onyń kóp bóligi muz qursanyp jatqandyqtan, topyraq nemese bıologıalyq qaldyqtar jaqsy saqtalǵan.

"Árıne, biz organıkalyq zattardy tapqymyz keledi jáne men munyń artynan ne bolatynyn túsinesiz dep oılaımyn. Odan bir nárse jasaýǵa bolar edi. Jalpy bul óte qyzyqty bolady" dedi Shoıgý orys geografıalyq qoǵamynda.

Shoıgý adamdy klondaýdyń qandaı da bir túrin jasaýdy usyndy.

Osy ýaqytqa deıin ǵalymdar adamdy klondamaǵan. Biraq ǵalymdar jasýshalardyń jekelegen túrlerin terapevtik klondaýdy jáne basqa da gendik-redaktorlyq jumystardy sátti júrgizdi.

Klondaý – organızmderdi jynyssyz jolmen kóbeıtý arqyly sol organızmderge uqsas urpaqtar alý tásili.