Prezıdent Q.Toqaev "Qazaqstan Respýblıkasynyń keıbir zańnamalyq aktilerine jer qatynastary máseleleri boıynsha ózgerister men tolyqtyrýlar engizý týraly" Qazaqstan respýblıkasynyń zańyna qol qoıdy, dep habarlady prezıdenttiń baspasóz hatshysy Berik Ýálı.
"Atalǵan zań boıynsha aýyl sharýashylyǵy jerlerin sheteldikterge, azamattyǵy joq adamdarǵa, sheteldik zańdy tulǵalarǵa, sheteldik qatysýy bar Qazaqstan Respýblıkasynyń zańdy tulǵalaryna, halyqaralyq uıymdarǵa, halyqaralyq qatysýy bar ǵylymı ortalyqtarǵa, sondaı-aq, qandastarǵa jeke menshikke jáne jalǵa berýge tyıym salynady. Osylaısha aýyl sharýashylyǵy jerlerin paıdalaný quqyǵy tek qana Qazaqstan azamattaryna jáne sheteldik qatysýy joq zańdy tulǵalarǵa beriledi" dep jazdy Berik Ýálı facebook paraqshasynda.
Buǵan deıin prezıdent bastamashyl bolyp, prezıdent ákimshiligi ázirlegen zań jobasy májiliske túskennen keıin oǵan sheteldikterge orman ósirý úshin jer berýdi kózdeıtin tarmaqtar engizilip, senatqa joldanǵan. Bul ózgerister qoǵamda narazylyqqa ushyrap, belsendiler mıtıńke shyqqan. Artynsha, senat daý týdyrǵan baptarǵa tyıym salyp, májiliske qaıtarǵan. Májilis senat engizgen túzetýlerdi maquldaǵan.
Pikir qaldyrý