2021 jyldyń I toqsanynda Qazaqstannan 5519 adam ketip, elge 2066 adam kelgen, dep habarlady LS saıty.

Saıt málimetinshe, elden ketkender sany 2020 jyldyń I toqsanymen salystyrǵanda 24,9%-ǵa, kelgenderdiń sany eki eseden astam azaıǵan.

Elder boıynsha

5519 adamnyń 4413-i Reseıge, 745-i Germanıaǵa, 70-i Izraılge, 41-i Polshaǵa, 36-sy Ózbekstanǵa, 34-i Belarýske, 32-si AQSH-qa, 23-i Qyrǵyzstanǵa, 14-i Ýkraınaǵa, 12-si Kanadaǵa jáne taǵy basqa elderge ketken.

Qazaqstanǵa qonys aýdarǵan 2066 adamnyń 851-i Reseıden kelgen, Ózbekstannan – 518, Qyrǵyzstannan – 125, Ázirbaıjannan – 87, Qytaıdan – 68, Túrkıadan – 62, Aýǵanstannan – 57, Tájikstannan – 48, Germanıadan – 42, Túrkimenstannan – 38, AQSH-tan – 21, Ýkraınadan – 20 adam.

Bilim deńgeıi boıynsha

Qazaqstannan ketken 1540 adamnyń joǵary bilimi bar. Bul 15 jastan asqan mıgranttardyń jalpy sanynyń 36,9%-yn quraıdy. Kásiptik orta – 1351 (32,3%), jalpy orta – 865 (20,7%), negizgi orta – 423 (10,1%).

Al elge kelgender arasynda 499 adam (26,8%) joǵary bilim alsa, 620 adam (33,3%) orta kásiptik bilim alǵan, 441 adam (23,7%) jalpy orta bilim alsa, 302 adam (16,2%) negizgi orta bilim alǵan.

Mamandyqtar boıynsha

2021 jylǵy qańtar-naýryzda Qazaqstannan tehnıkalyq mamandyǵy bar 933 adam, ekonomıkalyq – 466 adam, pedagogıkalyq – 249 adam, medısınalyq – 186 adam, zańgerlik – 113 adam, sáýlet-qurylys salasy boıynsha 80 adam, aýyl sharýashylyǵy mamandyǵy boıynsha 43 adam ketip qalǵan.

Eldi tehnıkalyq mamandyǵy bar 224 mıgrant tolyqtyrdy, ekonomıkalyq mamandyǵy bar – 126, pedagogıkalyq – 70, medısınalyq – 62, zańgerlik – 48, aýylsharýashylyq – 27, sáýlet-qurylys – 24, basqa mamandyqtardy meńgergen 537 adam kelgen.

Óńirler boıynsha

Basqa elderge turaqty turý úshin Qostanaı oblysynan – 736, Qaraǵandy oblysynan – 709, SHQO-dan – 659, Pavlodar oblysynan – 600, Almatydan – 546, Aqtóbe oblysynan – 447 jáne SQO-dan – 376 kóship ketken.

Al jańa turǵyndarmen Almaty – 394, Mańǵystaý oblysy – 377, Shymkent jáne Qostanaı oblysy – 160, Nur-Sultan – 127, SQO – 122, Pavlodar oblysy – 107, SHQO – 106 jáne Túrkistan oblysy – 103 adamǵa tolyqty.