2005 jylǵy 12 qarashada úıinde óli tabylǵan opozısıa jetekshisi Zamanbek Nurqadilovtiń kishi qyzy Mereı Nurqadilova TikTok jelisinde ákesimen birge túsken muraǵat kadrlaryn kórsetken vıdeo jarıalady.
Vıdeo aǵylshyn tilindegi "men barlyq erkekterdi jek kóremin, biraq ol..." degen frazadan bastalyp, ári qaraı Mereı men ákesiniń sýretteri ketedi. Mereı Nurqadilova bul sózderi arqyly ne aıtqysy kelgeni belgisiz.
Zamanbek Nurqadilov uzaq jyl bılikte túrli laýazymdy qyzmetter atqaryp, ómiriniń sońǵy jyldary bılikten ketip, opozısıaǵa ótken. Eldiń tuńǵysh prezıdenti Nursultan Nazarbaevty synap, 2004 jyly jemqorlyqqa qarsy qoǵamdyq komıtet quratynyn jarıalap, "Ádiletti Qazaqstan úshin" opozısıalyq qozǵalysynyń quryltaı komıtetine engen.
2005 jylǵy 12 qarashada saıasatker Almatydaǵy úıinde jumbaq jaǵdaıda mert bolǵan. Tergeý amaldary "Nurqadilov óz-ózin eki ret keýdesinen jáne bir ret basynan tapanshadan atyp qaza bolǵan" degen qorytyndy jasaǵan.
Ol kezde Mereı nebári úsh jasta edi.
Posmotret etý pýblıkasıý v Instagram
Pikir qaldyrý