Goldman Saks kompanıasynyń basqarýshysy krıptovalútaǵa salynǵan ınvestısıadan mol aqsha tapqannan keıin qyzmetinen ketti.

Goldmannyń basqarýshy dırektory jáne Londondaǵy damýshy naryq satýlarynyń jetekshisi Azız Makmahon sıfrlyq valútaǵa mıllıondaǵan fýnt sterlıń salǵannan keıin jumystan shyqty dep habarlady ınvestısıalyq banktiń burynǵy úsh qyzmetkeri.

Makmahondy jeke biletin burynǵy qyzmetkerler pikirtalastardyń sezimtal bolýyna baılanysty attaryn atamaýdy jón kórgen.

Makmahon kem degende 10 mıllıon fýnt sterlıń (14 mıllıon dollar) somaǵa krıptovalútany qolma-qol aqshaǵa aınaldyrǵan.

Budan buryn eFinancial Careers jáne The Guardian basylymdary "Makmahon Dogecoin krıptovalútasy arqyly aqsha tapqannan keıin Goldmandaǵy jumystan ketti" dep habarlaǵan. Al, CNBC basylymy onyń Ethereum arqyly paıdaǵa kenelgenin jazdy.

"Ol endi óziniń hej-qoryn qurǵan bolýy yqtımal" dep habarlady eFinancialCareers.

Al CNBC qarjylyq basylymy  habarlasqanda, Goldman Saks Makmahonnyń ketkenin rastady, biraq odan ári túsinikteme berýden bas tartqan.