Qazaqstanda jyl basynan beri tilsiz jaýdyń saldarynan 29 bala qaıtys boldy. Bul týraly tótenshe jaǵdaılar mınıstri Iýrıı Ilın halyqqa esep berý kezdesýinde málimdedi.

Mınıstr karantın ýaqytynda balabaqsha jumysynyń shektelýine baılanysty búldirshinderdiń kóbi úıde otyrǵanyn, jylytý maýsymynda 29 bala ajal qushyp, onyń 13-i ata-ana qaraýynsyz qalǵanyn aıtty. 

– Praktıka kórsetip otyrǵandaı kóp jaǵdaıda qaıǵyly jaǵdaı ata-ana nemese eresekter úıde joq kezde bolady, – dedi Iýrıı Ilın. 

Iýrıı Ilın Nur-Sultan men Túrkistanda bolǵan qaıǵyly oqıǵadan bútin bir otbasy zardap shekkenin atap ótti. 

– Barlyǵy da tolyq otbasy boldy. Alaıda balalardy az ýaqytqa jalǵyz qaldyrýdyń arty tragedıaǵa ákep soǵýy múmkin. Sol sebepti balalarmen túsindirý jáne tárbıe jumysyn ótkizý kerek. Balalardy qaraýsyz qaldyrmańyzdar,  – dedi vedomstvo basshysy.