Búgin májilis spıkeri Nurlan Nyǵmatýlınniń tóraǵalyǵymen palata búrosy ótip, onda aldaǵy jalpy otyrystyń kún tártibi naqtylandy.

Búro otyrysynda depýtattar qaraýyna azamattardyń jekelegen sanattaryn áleýmettik qorǵaý máseleleri boıynsha zańnamalyq túzetýler I oqylymda usynylmaq.

Zań jobasynyń maqsaty – múgedektigi bar adamdarǵa qatysty zańnamadaǵy kemsitýshilik termınderdi joıý, áleýmettik qorǵaý jáne jumysqa ornalastyrýdy yntalandyrý, múgedektigi, asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsherin arttyrý, zeınetaqymen qamsyzdandyrý máselelerin jetildirý boıynsha sharalar qabyldaý.

Sonymen qatar, kún tártibiniń jobasynda reıderlikke qarsy kúresti kúsheıtý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz aınalymyna kedergi keltiretin sharalardy kúsheıtý máselelerine qatysty zań jobasyn I oqylymda qaraý usynyldy.

Aldaǵy jalpy otyrysta birqatar zań jobadary II oqylymda qaralmaq. Atap aıtqanda, Eńbek kodeksine qashyqtyqtan jumys isteýdi quqyqtyq retteýdi jetildirý, «Memlekettik feldegerlik baılanys týraly» jáne oǵan ilespe zań jobalary bar.

Sondaı-aq, búro otyrysynda palata komıtetine bırjalyq saýdany damytý jáne jetildirý máseleleri boıynsha ózgerister men tolyqtyrýlar engizý týraly zań jobasyn jumysqa alý kózdelgen.

Májilistiń baspasóz qyzmeti