Jýrnalıserge arnalǵan birneshe baıqaý jarıalandy.

Májilis búginnen bastap "Parlament sózi" syılyǵyna úmitkerlerden ótinim qabyldaýdy bastalatynyn habarlady.

Arnaıy syılyq 2016 jyly alǵash taǵaıyndalǵan. Syılyqqa palata­nyń zań shyǵarýshylyq qyz­meti jaıynda 2020 jyldyń qyr­kúıegi men 2021 jylǵy 15 maýsym aralyǵynda jarıalanǵan jáne efırge shyqqan materıaldar qabyldanady. Jeńimpazdar máji­listiń qyzmeti týraly úzdik televızıalyq, merzimdik baspasóz, ǵalamtor men radıomaterıaldar, sonymen birge, foto jáne beı­ne-materıaldar boıynsha anyq­talady. Sondaı-aq Qazaqstandaǵy parlamenttik jýrnalısıkany damytýǵa qosqan úlesi úshin nomınasıasy da atalyp ótiledi. 

Ótinimder 2021 jylǵy 18 maý­symǵa deıin qabyldanady. Qqorytyndylaý jáne syılyq jeńimpazdaryn anyqtaý jýrnalıserdiń kásibı merekesi – Buqaralyq aqparat quraldary qyzmetkerleri kúni qarsańynda ótedi.

Qosymsha aqparatty Májilistiń www.parlam.kz resmı saıtynan alýǵa bolady.

Al "Nur Otan" partıasy jýrnalıser arasynda jyl saıyn ótetin "Nur Suńqar" respýblıkalyq baıqaýynyń bastalǵany týraly habarlady.

Jeńimpazdar 8 atalym boıynsha anyqtalady. Sonymen qatar Kazaqstan Táýelsizdiginiń 30 jyldyǵyna oraı "Táýelsizdik taǵylymy" atty jańa nomınasıa belgilengen.

Baıqaýǵa eldiń qoǵamdyq-saıası taqyryptaǵy, ekonomıkalyq, rýhanı jańǵyrý jáne partıanyń baǵdarlamalyq qujattary men jobalaryn iske asyrýǵa arnalǵan, sondaı-aq partıa men onyń lıderi N.Á. Nazarbaevtyń qyzmeti jaıly materıaldar qabyldanady.

Baıqaý sharty boıynsha 2020 jyldyń 1 qyrkúıegi men 2021 jyldyń  18 maýsymy aralyǵynda jaryq kórgen ártúrli janrdaǵy: ocherk, suhbat, maqala, tele jáne radıohabar, jýrnalısik zertteý materıaldary qabyldanady.

Baıqaý jumystary memlekettik jáne orys tilinde tapsyrylady. Ótinishter 2021 jyldyń 20 mamyry men 18 maýsymy aralyǵynda Nur-Sultan ýaqytymen saǵat 19:00-ge deıin qabyldanady.

Jeńimpazdar 8 atalym boıynsha anyqtalady:

1. "Televızıa úzdigi" – úzdik televızıalyq jýrnalıs;
2. "Ushqyr qalam" – úzdik gazet jýrnalısi;
3. "QazNet úzdigi" – ınternet basylymnyń úzdik jýrnalısi;
4. "Elbasy salǵan sara jol" – Elbasy qyzmetin jarıalaǵany úshin;
5.  "Partıa jarshysy" – partıa týraly úzdik materıal;
6. "Blogosfera úzdigi" – áleýmettik jelidegi úzdik jarıalanym;
7.  "YouTube úzdigi" – úzdik YouTube arnasy;
8. "Táýelsizdik taǵylymy" – Táýelsizdiktiń 30 jyldyǵyn jarıalaǵan úshin.

Jeńimpazdar Buqaralyq aqparat quraldary qyzmetkerleriniń kúni qarsańynda marapattalady. Baıqaý jeńimpazdaryna aqshalaı júlde men baǵaly syılyqtar tabystalady.

Baıqaý erejesimen partıanyń saıtynan tanysýǵa bolady. Al materıaldardy uıymdastyrý komıtetiniń nursunqar2021@nurotan.kz elektrondy poshtasyna joldaı alasyz. Qosymsha suraqtar boıynsha  8 747 772 72 37 nómirine Elmıra Jantemırovaǵa habarlasýǵa bolady.

Sonymen qatar Jalpy erejeler Almaty qalasy Din isteri jónindegi basqarmasy men "Social Development Center" qoǵamdyq qory din salasyna qatysty jýrnalıser arasynda baı̆qaý jarıalady.

Baı̆qaý jurtshylyq nazaryn din salasyndaǵy memlekettik saıasattyń ózekti máselelerine aýdarý, Buqaralyq aqparat quraldary arqyly turǵyndardy memlekettik saıasattyń din salasyndaǵy ártúrli baǵyttary, qoǵamdaǵy konfesıaaralyq kelisimniń nyǵaıtylýy jáne saqtalýyna baǵyttalǵan mańyzdy is-sharalar jóninde habardar etýdi kózdeıdi.

Baıqaýǵa jergilikti buqaralyq aqparat quraldarynyń jýrnalıseri, Almatyda jumys isteıtin respýblıkalyq buqaralyq aqparat quraldarynyń tilshileri, sondaı-aq Almatyda tirkelgen sarapshy ǵalymdar men táýelsiz pýblısıser qatysa alady.

Baıqaýǵa qatysý úshin berilgen taqyrypqa sáıkes keletin erekshe avtorlyq jumystar qabyldanady.

Baıqaýǵa kez kelgen dinı aǵymdar men kózqarastardy nasıhattaıtyn, dinaralyq, etnosaralyq arazdyqty qozdyratyn, dinı ekstremızm ıdeıalaryn jáne sot sheshimi boıynsha ekstremıstik dep tanylǵan, Qazaqstanda tyıym salynǵan uıymdardyń ıdeıalaryn nasıhattaıtyn jumystar qabyldanbaıdy.

Bir avtordan nemese avtorlar ujymynan beriletin jumystardyń sany shektelmegen.

Baı̆qaý jumystary qazaq jáne orys tilderinde qabyldanady.

Bir avtor birneshe nomınasıa boıynsha qatysa alady.

Baıqaý jumystaryn irikteý 2021 jylǵy 1 sáýirden 1 qazanǵa deıin júrgiziledi.  2-14 qazan aralyǵynda baǵalaý. 15-30 qazan kúnderi marapattaý rásimi ótedi dep josparlanǵan.

Baıqaý nomınasıalary:

• Eń úzdik televızıa janry;
• Merzimdi baspasózdegi qazaq tilindegi eń úzdik pýblısısıkalyq maqala;
• Merzimdi baspasózdegi orys tilindegi eń úzdik pýblısısıkalyq maqala;
• Internet-resýrstaǵy qazaq tilindegi eń úzdik maqala;
• Internet-resýrstaǵy orys tilindegi eń úzdik maqala;
• Internet jelisindegi eń úzdik beınerolık;
• Eń belsendi bloger;
• Internet-resýrstaǵy destrýktıvti jáne radıkaldy dinı uıymdar ıdeologıasyn dıskredıtasıalaýǵa baǵyttalǵan qazaq jáne orys tilderindegi úzdik maqala.

Baıqaý taqyryptary:

• Ulttyq dástúrler men zaı̆yrly memleket qundylyqtaryn taratý;
• Konfesıaaralyq kelisim men toleranttylyqty nyǵaı̆tý;
• Halyqtyń dinı jáne quqyqtyq saýattylyǵyn kóterý;
• Dinı ekstremızmniń jáne destrýktıvti dinı toptardyń aldyn-alý, olardyń ıdeologıasynyń zıanyn aıqyndaý.
• Destrýktıvti jáne radıkaldy dinı uıymdar ıdeologıasyn dıskredıtasıalaý

Ár nomınasıa boıynsha jeńimpaz kem degende 150 000 teńge kólemindegi baǵaly syılyqpen marapattalady. Sonymen qatar 8 yntalandyrý syılyǵy qarastyrylǵan. Ótinishterdi www.baiqau2021.kz saıtynda kórsetilgen tıisti saýalnamany toltyrý arqyly jiberýge bolady.