Mádenıet jáne sport mınıstri Aqtoty Raıymqulova ánshi Dımash Qudaıbergendi qabyldap, týǵan kúnine oraı prezıdent Qasym-Jomart Toqaevtyń quttyqtaý hatyn tabystady. Bul týraly vedomstvonyń baspasóz qyzmeti habarlady.

"Qurmetti Dımash! Jas kezińnen óner jolyn tańdap, úzdiksiz eńbektiń nátıjesinde úlken belesterdi baǵyndyra bildiń. Aldymen respýblıkalyq, keıin halyqaralyq baıqaýlarda dara shyqtyń. Án arqyly ulttyq qundylyqtarymyzdy dáriptep, qazaqtyń tilin, qońyr dombyrasyn, izgi dástúrlerin álemge tanytyp kelesiń.

Aldaǵy ýaqytta elimizdiń rýhanı-mádenı salasyn órkendetýge mol úles qosyp, bilimiń men kásibı biliktiligińdi jetildire beretinińe senim artamyn. Ózińe densaýlyq, jańa tabystar tileımin!" delingen prezıdenttiń quttyqtaý hatynda.

Munan soń Aqtoty Raıymqulova týǵan kún ıesin óz atynan quttyqtap, shyǵarmashylyq tabys tiledi.

"Aldaǵy ýaqytta da júrek qylyn shertetin týyndylaryńyzdyń qatary kóbeıip, ónersúıer qaýymdy qýanta berýińizge tilektespin. Osynaý erekshe sátti paıdalana otyryp, Sizge uzaq ǵumyr, zor densaýlyq, qajymas qaırat, shyǵarmashylyq shabyt, otbasyńyzǵa amandyq pen ortaımas nesibe-dáýlet tileımin!" dep jazylǵan mınıstrdiń quttyqtaý hatynda.