Premer-mınıstr Asqar Mamın Densaýlyq saqtaý mınıstrligi men ákimdikterge vaksınalaý qarqynyn arttyrýdy tapsyrdy. Bul týraly ol úkimettiń keńeıtilgen otyrysynda aıtty.

– Vırýstyń reprodýktıvtilik ındeksi 0,95 quraıdy. Aýrýhanalardaǵy tósek-oryndar – 33, jan saqtaý bólimderi 26 paıyzǵa toly. Degenmen 6 óńir "qyzyl" aımaqta. Onyń ishinde Nur-Sultan, Almaty, Batys Qazaqstan, Aqmola, Qaraǵandy, Atyraý oblystary tur. Búgingi tańda koronavırýsqa qarsy shamamen 3 mln ekpe jasaldy. Sonyń ishinde, alǵashqy komponentpen 2 mln-nan astam, ekinshi komponentpen 1 mln-ǵa jýyq adam vaksına aldy, – dedi úkimet basshysy.

Ol vaksına qorlaryn toltyrý, egý pýnktteriniń sanyn arttyrý boıynsha sharalar qabyldanyp jatqanyn atap ótti.

– Vaksınanyń bolý-bolmaýy boıynsha eshqandaı problema joq. Qazir egý naýqanyn keńeıtý pandemıamen kúresýde eń mańyzdy mindet bolyp tabylady. Densaýlyq saqtaý mınıstrligi men ákimdikterge vaksınalaý qarqynyn arttyrýdy tapsyramyn. "Ashyq" mobıldi qosymshasy qyzmet kórsetý salasynda belsendi qoldanylýda, – dedi Mamın.