Baǵaly metaldardyń zańsyz aınalymy úshin jaza zańnamalyq túrde kúsheıtiletin bolady. Búgin májilis tóraǵasy Nurlan Nyǵmatýlınniń tóraǵalyǵymen ótken jalpy otyrysta reıderlikke qarsy kúresti kúsheıtý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz aınalymyna kedergi keltiretin sharalardy kúsheıtý máseleleri týraly zańnamalyq túzetý I oqylymda maquldandy.

Zań jobasyn talqylaý barysynda Nurlan Nyǵmatýlın jýyq arada ǵana Eýrazıalyq ekonomıkalyq odaq sheńberinde baǵaly metaldarmen jáne asyl tastarmen operasıalardy júzege asyrý erekshelikteri týraly kelisimdi qaraǵanyn, sol kezde Qazaqstanda EAEO boıynsha seriktester – Reseı men Belarýsten aıyrmashylyǵy baǵaly metaldardyń zańsyz aınalymy salasynda jasalǵan qylmystar úshin "Nege qylmystyq jaýapkershilik joq?" degen suraq týyndaǵanyn atap ótti. Nátıjesinde, tek ákimshilik jaýapkershilik qarastyrylǵany anyqtaldy.

– Bul osy saladaǵy qylmystyq belsendiliktiń keń kólemde ósýine ákelgeni anyq. Máselen, tek Stepnogorsk óńirinde 2015-2020 jyldar aralyǵynda quramynda altyny bar zańsyz óndirilgen 6 357 tonna shıkizat tárkilendi, – dedi palata spıkeri.

Nátıjesinde N. Nyǵmatýlın el ekonomıkasyna, onyń ishinde salyqtardyń, búdjetke tólenetin basqa da mindetti tólemderdiń tolyq túspeýi túrinde eleýli zalal keltirilgenin atap ótti. Sondaı-aq osy zańnamalyq túzetýlerdiń nátıjesinde oń ózgerister bolatynyna senim bildirdi.

Tutastaı alǵanda, zań jobasynyń normalary azamattardyń quqyqtaryn qorǵaýdy arttyrýǵa, prokýratýranyń qadaǵalaýyn kásipkerlerdiń problemalaryn tıimdi sheshýge qaıta baǵdarlaýǵa múmkindik beredi, kásipkerliktiń óz qyzmetine zańsyz aralasýdan, bıznes sýbektilerin qylmystyq qýdalaý aıasyna tartýdan kepildikterin kúsheıtedi, sondaı-aq osy túzetýler baǵaly metaldardyń zańsyz aınalymyna qarsy kúresti kúsheıtýge múmkindik beredi.

Májilistiń baspasóz qyzmeti