Shymkent qalasy jáne Jambyl, Qaraǵandy, Pavlodar, Aqtóbe, Soltústik Qazaqstan, Aqmola oblystarynda karantındik shekteý sharalaryna ózgeris engiziledi. Bul týraly óńirlerdiń bas sanıtar dárigerleri málimdedi.

Shymkent qalasynyń bas sanıtar dárigeri A. Tólebaev buǵan deıingi qaýlysyna ózgerister men tolyqtyrýlar engizdi.

Qaýlyǵa sáıkes,  Shymkenttegi karantındik áleýmettik-ekonomıkalyq nysandardyń jumysyn shekteý krıterııleri ózgertildi.

• meıramhana, kafe, sondaı-aq "Ashyq" jobasyna qatysatyn jazǵy alańdar tıpindegi qoǵamdyq tamaqtaný oryndary saǵat 07:00-den 02:00-ge deıin jumys isteıdi; 
• "Ashyq" jobasyna qatysatyn fýd-korttar saǵat 10:00-den 00:00-ge deıin (syıymdylyǵy 20 paıyz, adam sany 30-dan aspaý) jumys isteýge ruqsat etiledi;
• Mádenı nysandarǵa 50 adamǵa deıin, sondaı-aq vaksınanyń eki komponentin qabyldaǵan adamdardyń qatysýymen daıyndyq ótkizýge bolady;
• Teatrlarǵa, kınoteatrlarǵa, konsert zaldaryna jáne fılarmonıalarǵa Ashyq qosymshasyn paıdalanýǵa ruqsat etiledi.

Jambyl oblysynyń bas sanıtar dárigeri B. Shınalıevtiń jańa karantındik shekteý sharalary 27 mamyr saǵat 00:00-den bastap kúshine endi.

Atalǵan qaýlyǵa sáıkes, saýda, oıyn-saýyq ortalyqtary, bazarlar, HQKO, monshalar, dinı mekemeler, komýnaldyq sharýashylyq, tamaq ónerkásibi, qoǵamdyq tamaqtaný obektileri, vokzaldar, áýejaılar jáne t.b. kúsheıtilgen sanıtarıalyq-dezınfeksıalyq rejımde jumys isteýge tıis.

Jambyl oblysynyń ishki saıasat basqarmasy, Taraz qalasynyń jáne aýdandardyń ákimderi:

• Buqaralyq aqparat quraldary jáne áleýmettik jeliler arqyly qosymsha qabyldanǵan sharalar týraly halyqty habardar etýi kerek;
• Oblys turǵyndary arasynda COVID-19 taralýyna qarsy qabyldanyp jatqan sharalar týraly buqaralyq aqparat quraldarynda aqparattyq túsindirme jumystaryn júrgizý qajet.

Qaraǵandy oblysynyń bas sanıtar dárigeri Iý. L. Zalygın karantın sharalaryna qatysty jańa qaýly jarıalady.

"Ashyq" mobıldi qosymshasyn paıdalaný arqyly keıbir bıznes nysandarynyń jumysyna ruqsat etildi:

• banket zaldary jáne meıramhana, dámhanalar saǵat 7:00-den 02:00-ge deıin jumys isteýine ruqsat beriledi. Qyzmet kórsetý 50 adamnan aspaýǵa tıis;
• kompúterlik klýbtar, onyń ishinde PlayStation klýbtarynda syıymdylyǵy 30%-dan aspaı, jumys rejımi saǵat 12:00-den 02:00-ge deıin bolady.

Pavlodar oblysynyń bas sanıtar dárigeri B. Álıev karantın sharalary týraly qaýlysyna ózgerister men tolyqtyrýlar engizdi.

Qaýlyǵa sáıkes:

• oıyn-saýyq mekemeleriniń qyzmetine tyıym salynady;
• balalar oıyn-saýyq ortalyqtarynyń jumysy toqtaıdy;
• mádenıet obektileriniń qyzmetine 30 adamǵa deıin ruqsat etiledi;
• jabyq ǵımarattarda jáne ashyq oryndarda otbasylyq, ujymdyq, korporatıvtik, saltanatty is-sharalardy ótkizýge tyıym salynady;
• tolymdylyǵy 50 paıyzdan asyrmaı balalardy saýyqtyrý lagerleriniń jumysyna ruqsat etiledi;

Aqtóbe oblysynyń bas sanıtar dárigeri N.A. Berkimbaevanyń qaýlysy 26 mamyr saǵat 00:00-den bastap kúshine endi.

• betperde rejımin, áleýmettik qashyqtyqty saqtaı otyryp, ashyq aýada kınoteatrlardyń jumysyna ruqsat beriledi;
• ata-analardyń ótinishi boıynsha synypta balalar sany 15 adamnan aspaı jazǵy mektepterde oqytylady;
• qoǵamdyq tamaqtaný obektileri, býkmeker keńseleri, lotereıa klýbtarynyń jumysyna tyıym salynady.

Soltústik Qazaqstan oblysynyń bas sanıtar dárigeri Á. Jumataevtyń 2021 jylǵy 26 mamyrdaǵy №13 qaýlysy boıynsha:

• turǵylyqty jeri boıynsha otbasylyq is-sharalardy ótkizýge tyıym salynady;
• jerleý sharalary keminde 2 metr qashyqtyqty saqtaı otyryp ótkiziledi;
• býkmekerlik keńselerdiń qyzmetine tyıym salynady;
• merekelik korporatıvtik is-sharalardy uıymdastyrýǵa jáne ótkizýge tyıym salynady;

Aqmola oblysynyń bas sanıtar dárigeri A. Mýsına 27 mamyrda karantın sharalary týraly qaýlysyna ózgerister men tolyqtyrýlar engizdi.

•  kópshilik is-sharalardy onyń ishinde úıde ótkizýge tyıym salynady;
• oıyn-saýyq mekemeleriniń qyzmetine jáne merekelik korporatıterdi uıymdastyrýǵa tyıym salynady;
• kórermenderdiń qatysýymen sporttyq is-sharalardy ótkizý shekteledi;
• bılárd, karaoke, kompúterlik klýbtar, banket zaldary, boýlıńterdiń jumysy toqtatylady.