"Joshy han" tarıhı-mádenı kesheniniń qurylys jumystary 90%-ǵa oryndaldy. Qazirgi ýaqytta ishki árleý, aýlany abattandyrý, kógaldandyrý jáne ınjenerlik syrtqy jelilerdi qosý boıynsha jumystar júrgizilýde. Bul týraly Qaraǵandy oblysynyń ákimi Jeńis Qasymbek málim etti.
Oblys ákimi Ulytaý aýdanyna jasaǵan sapary barysynda aýdandaǵy sharýashylyq pen týrızmdi damytýǵa arnalǵan jumystardyń atqarylý barysymen tanysqan.
Sapar aıasynda ákim "Joshy han" tarıhı-mádenı kesheniniń qurylys alańynda bolǵanyn, mundaǵy jumystar 90% oryndalǵanyn habarlady.
– Qazirgi ýaqytta ishki árleý, aýlany abattandyrý, kógaldandyrý jáne ınjenerlik syrtqy jelilerdi qosý boıynsha jumystar júrgizilýde. Qurylys jumystary tamyzda aıaqtalady. Keshen Altyn Orda dáýirin zertteýge arnalǵan ǵylymı ortalyq qana emes, sonymen qatar Ulytaýdyń kıeli oryndaryn, etno-aýyl, Jezqazǵan qalasynyń tarıhı-arheologıalyq jáne tarıhı-óndiristik murajaılaryn baılanystyratyn biregeı týrısik marshrýttyń bir bóligine aınalady, – dedi Jeńis Qasymbek facebook paraqshasynda.
Pikir qaldyrý