Bilim jáne ǵylym mınıstri Asqat Aımaǵambetov halyq aldynda esep berý kezdesýinde bilim salasyndaǵy jańa ózgeristerdi málimdedi.

– Buryn muǵalimdi jumysqa alý dırektordyń quzyretinde boldy. Endi budan bylaı tek qana bul máseleni dırektor sheshpeıdi konkýrs arqyly sheshiledi, – dep aıtty ol. 

Sondaı-aq mınıstr mektep dırektorlaryn rotasıa ınstıtýtynan ótkizý mańyzdy bastama ekenin aıtty.

– Mektep dırektorlardy rotasıa ınstıtýtynan ótkizý mańyzdy bastama dep oılaımyn. Bul másele boıynsha suraqtar jetkilikti.  Áriptesterimiz bul máseleni túsinbeı jatyr. Biraz úreı de, qorqynysh ta bar. Bir ýaqyttyń ishinde dırektorlardy rotasıadan ótkizedi degen de alyp qashpa áńgime de júrýde. Biraq bul shyndyqqa janaspaıdy.

Rotasıa júıesi, ınstıtýty - mańyzdy. Biraq 1 jyldyń ishinde nemese 2 jyl men 5 jyldyń ishinde barlyq mektep dırektorlaryn ótkizemiz degen maqsat joq. Bul kadr áleýetin arttyrý úshin qajet, – dedi mınıstr.