Qarýly kúshteriniń materıaldyq-tehnıkalyq qamtamasyz etý jáne qarýlandyrý bóliminiń basshysy, polkovnık Asylbek Satvaldınov ustaldy. Bul aqparatty qorǵanys mınıstrligi rastady.

"2021 jyldyń 28 mamyrynda quqyq qorǵaý organdary Qazaqstan Qarýly Kúshteriniń materıaldyq-tehnıkalyq qamtamasyz etý jáne qarýlandyrý bóliminiń bastyǵy polkovnık Asylbek Satvaldınovty ustady. Tergeý múddelerine qatysty qalǵan aqparat jarıa etýge jatpaıdy" delingen mınıstrlik taratqan habarlamada.

Keı aqparat quraldarynyń habarlaýynsha, ol "qyzmettik ókilettigin asyra paıdalandy jáne syılyqaqy berý kezinde búdjet qarajatyn jymqyrdy jáne áskerı qyzmetshilerden aqshalaı járdemaqylardy zańsyz óndirip aldy" degen kúdikke ilingen. Syılyqtyń jalpy somasy 10 mıllıon teńgeden asady.