Túrkistan oblysynyń taýlarynda joǵalyp ketken eki týrısiń denesi tabyldy. Bul týraly tótenshe jaǵdaılar mınıstrligi habarlady.

Mınıstrliktiń resmı ókili Talǵat Ýálıdiń málimdeýinshe, 29 mamyr kúni saǵat 00:30-da izdestirý jumystarynyń barysynda Ógem ózeninen 1999 jyly týǵan bir adamnyń denesi tabylǵan. Al ekinshi jigittiń denesi búgin Ógem ózeninen 3 shaqyrym jerden tabylǵan.

– Týrıserdiń denesi Qazavıaqutqarý" AQ MI-171 tikushaǵymen Shymkent qalasyna jóneltildi. Qalǵan eki adamdy izdestirý jumystary jalǵasýda.

Jerdegi izdestirýdi qutqarýshylar, polısıa qyzmetkerleri, shekara qyzmetiniń at patrýli, ulttyq park qyzmetkerleri jáne joǵalǵandardyń týystary júrgizýde. Sondaı-aq áýeden izdeý úshin QR TJM "Qazavıaqutqarý" AQ-nyń eki borty jumys isteýde.

Atalǵan fakti boıynsha Túrkistan oblysynyń polısıa departamenti sotqa deıingi tergeýdi bastady, – dep habarlady Talǵat Ýálı.

25 mamyrda Tóle bı aýdanynyń Saıram-Ógem memlekettik ulttyq tabıǵı parkiniń aýmaǵynda 7 adamnyń joǵalǵany habarlanǵan. Keshe úsh adam din-aman tabylǵan. Qalǵan 2 adam izdestirip jatyr.