Almaty oblysynyń Sharyn shatqalynda sel júrip, 2 adam qaza tapty. Bul týraly tótenshe jaǵdaı mınıstrliginiń resmı ókili Talǵat Ýálı habarlady.

– Bıylǵy jyldyń 29 mamyry kúni saǵat 13:25-te Almaty oblysynyń tótenshe jaǵdaılar departamentine Almaty oblysy Uıǵyr aýdany Sharyn shatqalynyń eteginde batpaqty-sel júrgeni týraly habar tústi. Oqıǵa saldarynan 6 adam zardap shegip, 2 adam qaza tapty. Qaza tapqandardyń biri kámeletke tolmaǵan. 1 adam iz-túzsiz joǵaldy. Zardap shekkenderge jedel medısınalyq járdem kórsetildi. Joǵalǵan adamdy izdeý jumystary júrip jatyr, – dedi Talǵat Ýálı.

Almaty oblysy tótenshe jaǵdaılar departamenti baspasóz qyzmetiniń habarlaýynsha, oqıǵa ornynda 31 qutqarýshy, 8 tehnıka jáne jedel járdemniń 4 kóligi men 6 qyzmetkeri jumys istep jatyr.

8(7282)22-02-13, 22-02-18 nómirler boıynsha arnaıy jeli qosylǵan. Qajetti psıhologıalyq kómek kórsetilip jatyr.