Sharyn shatqalynda joǵalǵan oqýshy qyz tabyldy. Bul týraly tótenshe jaǵdaılar mınıstrliginiń resmı ókili Talǵat Ýálı habarlady.

– Sharyn shatqaly qyzmetkerleri Sharyn ózeniniń boıyn jaǵalaı jer betinde izdeý-qutqarý jumystaryn júrgizý barysynda saǵat 09:34-te 2010 jyly dúnıege kelgen qyzdy tapty. Ol Sharyn ózeniniń sol jaǵalaýynda oqıǵa bolǵan jerden 3-4 shaqyrym qashyqtyqta bolǵan, – dedi Talǵat Ýálı.

Onyń aıtýynsha, qazirgi ýaqytta respýblıkalyq jedel qutqarý otrády men Almaty oblystyq tótenshe jaǵdaılar deparatamentiniń jedel qutqarý bóliminiń qutqarýshylary dárigerge deıingi alǵashqy medısınalyq kómek kórsetip jatyr.

Zardap shekken oqýshy qyzǵa medısınalyq kómek kórsetý úshin ony "Qazavıaqutqarý" AQ-nyń avıasıalyq tehnıkasymen Almaty qalasy aýrýhanalarynyń birine jetkizý máselesi sheshilip jatyr.

Buǵan deıin keshe Almaty oblysynyń Sharyn shatqalynda sel júrip, 2 adam qaza taýyp, 6 adam zardap shegip, 1 adamnyń iz-tússiz joǵalǵany habarlanǵan.