Búginde mektepter men balabaqshalar 100% beınebaqylaý júıesimen jabdyqtalǵan. Bul týraly Bilim jáne ǵylym mınıstri Asqat Aımaǵambetov málimdedi.

– Mektepter men balabaqshalar 100% beınebaqylaý júıesimen jabdyqtalǵan. Biraq onyń 25-21%-y bekitilgen talaptarǵa sáıkes kelmeıdi. Biz jýyqta ǵana aýqymdy tekserý jumystaryn júrgizgen bolatynbyz. Sol kezde osy másele anyqtaldy. Tek qana 823 mektep nemese 11,4%-nyń beınebaqylaý júıesi polısıa organdarynyń jedel basqarý ortalyǵyna qosylǵan. Al arnaıy kúzetpen qamtylǵan mektepterdiń sany 466 ǵana, keminde 6-4%-dy quraıdy, – dedi Aımaǵambetov.

Mınıstrdiń aıtýynsha, barlyq mekteptiń 14,9%-ynda ǵana "dabyl" túımesi ornatylǵan. Ol jaqyn arada barlyq mektepterdi "dabyl" qurylǵylarymen qamtý qajettigin jáne tıisti jumystar júrgiziletinin jetkizdi.

Oqı otyryńyz: "Grant sanyn 2 esege kóbeıttik". Aımaǵambetov málimdeme jasady