Prezıdent Qasym-Jomart Toqaevtyń jarlyǵymen Sharyn shatqalynda oqýshylardy qutqarý kezinde qaıtys bolǵan  №199 gımnazıanyń muǵalimi Mereı Ibragımov  "Erligi úshin" medalimen marapattady. Bul týraly Aqorda saıty habarlady.

"Adam ómirin saqtap qalýǵa baılanysty qıyn-qystaý jaǵdaıda kórsetken erjúrektigi men janqıarlyǵy úshin Almaty qalasy № 199 mamandandyrylǵan gımnazıa KMM muǵalimi Mereı Nurǵazyuly Ibragımov "Erligi úshin" medalimen nagradtalsyn (marqum)" delingen jarlyqta.

29 mamyr kúni Almaty oblysynyń Sharyn shatqalynda sel júrip, sonyń saldarynan ekspedısıada júrgen muǵalim, ata-ana, oqýshylardan turatyn toptaǵy bir muǵalim men bir oqýshy mert bolyp, bir oqýshy táýlikke jýyq ýaqyttan keıin tabylǵan. Taǵy 6 adam zardap shekken.