Buqaralyq aqparat quraldarynda taraǵan "kredıt raqymshylyǵyn" uzartý týraly aqparat shyndyqqa janaspaıdy. Bul týraly Eńbek jáne halyqty áleýmettik qorǵaý mınıstrligi habarlady.

"Qazaqstanda azamattar úshin "kredıttik raqymshylyqty" uzartý josparlanyp otyrǵany týraly birqatar BAQ-taǵy jarıalanymdar jýrnalıserdiń "Ashyq derekter" portalynda ornalastyrylǵan úkimet qaýlysynyń jobasyn durys túsindirmeýine negizdelgen jáne shyndyqqa sáıkes kelmeıdi" delingen málimdemede.

Mınıstrlik dereginshe, azamattarynyń borysh júktemesin azaıtý 3 kezeńde júrgizilgen. Birinshi kezeńde esepten shyǵarý 2019 jyldyń qyrkúıeginde 507,4 myń azamatqa jalpy somasy 105,2 mlrd teńgege, ekinshi kezeńde 2019 jylǵy jeltoqsanda 46,9 myń azamatqa jalpy somasy 9,8 mlrd teńgege júzege asyrylǵan.

Vedomstvo búgingi kúni bereshekti esepten shyǵarý boıynsha barlyq jumystar aıaqtalǵanyn jáne olardy qaıta bastaý boljanyp otyrmaǵanyn málim etti.