Almaty qalasy Jetisý aýdanynyń ákimi Gúlnar Kókebaeva COVID-19 vaksınasynyń alǵashqy dozasyn saldyrǵan turǵyndar arasynda utys oıny uıymdastyrylatynyn habarlady.

"Lotereıaǵa qatysý úshin sizge 29.05.21 j. bastap 04.06.21 j. deıin Jetisý aýdanynyń vaksınasıa ortalyqtaryna vaksınanyń birinshi komponentin alýǵa kelý qajet. Qorytyndy 5 maýsym senbi kúni shyǵarylatyn bolady" dep jazdy Gúlnar Kókebaeva óziniń instagram  paraqshasynda.

Utys oınynda 21 adamǵa syılyq beriledi. Bas júlde – Samsung Galaxy S21 smartfony. Sonymen qatar 5 negizgi júlde jáne 16 qosymsha júlde bolady. Utys oınyn Gúlnar Kókebaevanyń instagram paraqshasynan tikeleı efırden 5 maýsymda saǵat 15-00-de kórýge bolady.

Aksıa Almatydaǵy jappaı vaksınasıany tanymal etýdi kózdeıdi. Mundaı aksıa osyǵan deıin de uıymdastyrylyp, jeńimpaz IRhone 12 utyp alǵan.