Áleýmettik jelide Almaty ákimdigi sheteldik blogerlerge 26 mıllıon teńge jumsamaq degen aqparat taraýda. Bul aqparatty týrızm basqarmasynyń baspasóz qyzmeti rastady.

Protenge Telegram arnasynyń habarlaýynsha, shetelden keletin 20 blogerge 26 mln teńge aqsha bólinbek. Bul aqshaǵa Grýzıa, Armenıa, Belarýs, Reseı, Ýkraına, Túrkıa, Koreıa, BAÁ jáne Gonkongten keletin blogerlerdiń ushaqpen kelý-ketý bıleti, bes juldyzdy qonaq úıi, úsh mezgil tamaǵy kiredi.

Sondaı-aq olarǵa Medeý, Kóktóbe jáne Kók bazardy kórsetedi. Sapar sońynda ulttyq taǵamdardy ázirleýden master-klasstar ótkizilip, estelik syılyqtar tabystalady.

Áleýmettik jelidegi aqparatqa Almaty týrızm basqarmasy túsinikteme berdi.

"26 mıllıon teńgege "Almaty qalasynyń týrısik aqparattyq ortalyǵy" JSHS 20 adamǵa arnalǵan eki blog-týr uıymdastyrýdy josparlap otyr. Oǵan Grýzıa, Armenıa, Belarýssıa, Reseı, Ýkraına, Túrkıa, Koreıa, BAÁ, Gonkongtan blogerler men jýrnalıser qatysady.

Blog-týr Almaty qalasynyń tanymyn arttyrý jáne onyń týrısik áleýetin damytý maqsatynda uıymdastyrylady.

Blog-týrǵa 40-tan astam sheteldik týrısik blogerler men mıllıonnan astam adamdy qamtyǵan medıa-jeke tulǵalar kiredi" delingen baspasóz qyzmeti taratqan habarlamada.

Departament sheteldik blogerlermen jumys jasaý Qazaqstan men Almatyǵa keletin týrıser aǵynyn kóbeıtetinin atap ótti.