Pavlodarlyq túlek Danıar Ýalıev ulttyq biryńǵaı testileý (UBT) tapsyrǵandardyń arasynda eń joǵary 140 baldy jınady. Bul týraly bilim jáne ǵylym mınıstrligi janyndaǵy qoǵamdyq keńestiń múshesi, "Bilim-Innovasıa" qoǵamdyq qorynyń qyzmetkeri Nurbol Tólebaev facebook paraqshasynda habarlady
– Súıinshi! Súıinshi! Oqýshymyz UBT-dan 140 aldy. (Ázirge resmı UBT-dan bıyldyqqa alǵashqy 140). Qorymyz jarıalaǵan sońǵy úlgidegi MacBookPro M1 ıelengen Ýalıev Danıar Armanuly – Pavlodardaǵy er balalarǵa arnalǵan "Bilim-Innovasıa" lıseıiniń 2020-2021 jylǵy túlegi, – dep jazdy Tólebaev.
Onyń aıtýynsha, Danıar Ýalıev – "Altyn belgi" úmitkeri. Júzýden sport sheberine úmitker, birneshe márte QR chempıony. Jalpyreseılik jarystardyń júldegeri. Nur-Sultan Open halyqaralyq jarysynyń chempıony.
Pikir qaldyrý