Mas kúıinde kólik tizgindep alǵash ret ustalǵan azamat birden 7 jylǵa júrgizýshi kýáliginen aıyrylady, dep habarlady  sputnik.kz saıty. 

– Ákimshilik jazanyń jańa túri engiziledi. Ol – arest. Ony mindetti túrde qoldanady. Júrgizýshi mas kúıinde alǵash ret ustalsa da, 15 táýlikke qamalady. Jol apaty kezinde adamdardyń densaýlyǵyna zıan kelmese, biraq materaldyq shyǵyn bolǵan jaǵdaıda ákimshilik aresttiń merzimi 20 táýlikke uzartylady. Kólikti mas kúıde júrgizse 7 jylǵa kýáliginen aıyrylady, – dedi ishiki ister mınıstrligi ákimshilik polısıa komıtetiniń basqarma bastyǵy Asqar Tájenov brıfıń barysynda.

Mınıstrliktiń sózinshe júrgizýshi kýáliginen aıyrylǵan adam bir jyldyń ishinde rólge qaıta  otyrsa 20 táýlikke qamalyp, 8 jylǵa kólik júrgizý quqyǵynan aıyrylady.

– Al mas kúıde kólikti qaıta tizgindegender 5 jylǵa deıin bas bostandyǵynan shektelip, júrgizýshi kýáliginen ómir boıyna aıyrylýy múmkin. Jol apatyna tússe 8 jylǵa, oqıǵa saldarynan kisi ólimi tirkelse 10 jylǵa deıin bas bostandyǵynan shekteledi.

Sonymen qosa medısınalyq tekseristen bas tartqan azamat 8 jylǵa júrgizýshi kýáliginen aıyrylady. Buryn bul merzim 3 jyl bolǵan. Sosyn 15 táýlikke qamalýy múmkin, – dedi mınıstr.