Bilim jáne ǵylym mınıstri Asqat Aımaǵambetov bilim salasyna birqatar ógerister engizgenin habarlady. Bul týraly sybaılas jemqorlyqqa qarsy is-qımyl  agentigine bergen suhbatynda aıtty.

Vedomstva basshysy budan bylaı muǵalimderdi jumysqa mektep dırektorlary qabyldamaıtynyn, ashyq konkýrs arqyly ótetinin aıtty. 

– Túrli alyp qashpa sózder bar. Shyndyqty bárimiz bilemiz. Mundaı máselelerdiń, mundaı táýekelderdiń baryn bilemiz jáne moıyndaýymyz kerek. Buryn ár mekteptiń basshysy muǵalimdi jumysqa qabyldaǵanda ózi jeke derbes sheshim qabyldaıtyn. Endi mundaı táýekelderdiń aldyn alý úshin zańnamaǵa ózgerister engizdik. Endi jumysqa muǵalimderdi dırektorlar qabyldamaıdy, konkýrspen qabyldanady. Eger bos jumys orny bolatyn bolsa ol orynǵa tıisti jarnama berip, habarlaıdy. Sol habarlama boıynsha naqty onyń jalaqysy qandaı jáne naqty atqaratyn qyzmeti, oǵan qoıylatyn talaptar da kórsetiledi. Osyǵan oraı úmitkerler qujattaryn tapsyrady. Onyń bári konkýrstan ótip, tıisti ózine tán qasıetteri, quzyrettiligine, bilimdiligine, biliktiligine sáıkes tıisti komısıa sheshim qabyldap, mektepke eń myqty, bilimdi degen muǵalimder kelý kerek. Osy mehanızmdi biz bilim týraly zańǵa endi. Endi osy normany iske asyrý úshin tıisti mınıstrliktiń buıryǵyn daıyndap jatyrmyz. 1-2 jumanyń ishinde buıryqqa qol qoıamyn. Qol qoıylǵannan keıin bul iske asady dedi Aımaǵambetov.

Mınıstrdiń sózinshe ýnıversıtetti bitirgen jas pedogogtar dıplomdy alysymen birden mektepke jumysqa tura almaıdy. Olar ulttyq biliktilik testin tapsyryp, tıisti baldy jınaýy qajet. 

– Bıylǵy jyldan bastap ýnıversıtetterdi bitirgen bizdiń bolashaq pedogogter ýnıversıtet bitirip, dıplom alysymen mektepke jumys isteýge bara almaıdy. Olar mektepke barý úshin sertefıkattaý rásiminen  ótýi kerek. Olar ulttyq biliktilik testin tapsyrady.Tıisit bal alatyn bolsa. Qaı mektepke turǵysy kelse, sol mektepke barady. Sosyn sol mekteptegi komısıaǵa sabaq júrgizedi. Bul ekinshi etap. Sonyń nátiıjesi boıynsha oǵan pedagog degen kvalıfıkasıa beriledi. Sol mektepte jumys isteýge múmkindik alady.