Prezıdent Qasym-Jomart Toqaev "Adam quqyqtary salasynda odan ári sharalar týraly" jarlyqqa qol qoıdy. Bul týraly Aqorda saıty habarlady.

– Adam quqyqtary salasyndaǵy naqty sharalardy odan ári júzege asyrý – saıası jańǵyrýdyń mańyzdy kezeńi. Búgin tıisti jarlyqqa qol qoıyldy. Úkimetke ony oryndaý úshin shuǵyl sharalar josparyn qabyldaýǵa tapsyrma berildi, – dep jazdy prezıdent Toqaev twitter paraqshasynda.

Búgin prezıdent Qasym-Jomart Toqaev "Adam quqyqtary salasynda odan ári sharalar týraly" jarlyqqa qol qoıdy. 

"Qazaqstan Respýblıkasynyń Úkimeti adam quqyqtary salasyndaǵy birinshi kezektegi sharalar josparyn bekitsin, onda mynadaı jumys baǵyttaryn kózdesin:

• BUU-nyń sharttyq organdarymen jáne BUU-nyń Adam quqyqtary boıynsha keńesiniń arnaýly rásimderimen ózara is-qımyl tetikterin jetildirý;

• adam saýdasy qurbandarynyń quqyqtaryn qamtamasyz etý;

• múgedektigi bar azamattarǵa qatysty adam quqyqtary;

• áıelderge qatysty kemsitýdi joıý;

• birlesý bostandyǵyna quqyq;

• pikir bildirý bostandyǵyna quqyq;

• adamnyń ómir súrýge jáne qoǵamdyq tártipke quqyǵy;

• úkimettik emes uıymdarmen ózara is-qımyl tıimdiligin arttyrý;

• adamnyń qylmystyq sot tóreligi, atqarý jáne azaptaýlar men qatygez is-áreketterdiń aldyn alý salasyndaǵy quqyqtary" delingen jarlyqta.

Osy jarlyqtyń oryndalýyn baqylaý prezıdent ákimshiligine júkteldi. Jarlyq qol qoıylǵan kúninen bastap qoldanysqa engiziledi.