Búgin ótken Úkimet otyrysynda eldegi sanıtarlyq-epıdemıologıalyq jaǵdaı qaraldy. Densaýlyq saqtaý mınıstri Alekseı Soı halyqty vaksınalaý barysy men qazirgi jaǵdaı týraly baıandady.

Onyń málimetinshe, Qazaqstanda sanıtarlyq-epıdemıologıalyq jaǵdaıdyń jaqsarǵany baıqalady. Qazaqstan COVID-19 taralý qarqyny boıynsha "sary" aımaqtan "jasyl" aımaqqa ótken.

"Bir apta ishinde syrqattanýshylyq deńgeıi 30%-ǵa, vırýstyń reprodýktıvtik ındeksi 0,84-ke deıin, ınfeksıalyq tósek-oryndardyń júktelýi 24%-ǵa deıin, reanımasıalyq tósek-oryndardyń júktelýi 21%-ǵa deıin tómendedi. "Qyzyl aımaqta" Nur-Sultan qalasy, "sary aımaqta" – 6 óńir: Almaty qalasy, Atyraý, Pavlodar, Batys Qazaqstan, Aqmola jáne Qaraǵandy oblystary ornalasqan. Qalǵan 10 óńir – "jasyl aımaqta". Búgingi tańda 2,4 mln-ǵa jýyq adam vaksınanyń birinshi komponentin, 1,3 mln-ǵa jýyq adam ekinshi komponentin alǵan" delingen aqparattyq habarlamada.