Túrkistan oblysy ákimdigi men Túrkistan qalasy ákimdiginde kadrlyq ózgerister boldy. Bul týraly ákimdikterdiń baspasóz qyzmeti habarlady. 

Oblys basshysy Ómirzaq Shókeevtyń sheshimimen Túrkistan qalasynyń ákimi bolǵan Rashıd Aıýpov Túrkistan oblysy ákiminiń orynbasary bolyp taǵaıyndaldy.

Rashıd Aıýpov 1981 jyly dúnıege kelgen. Akademıalyq Inovasıalyq Ýnıversıtetiniń zań fakúltetin bitirgen. 2015 jyly Londondaǵy Queen Mary University ýnıversıtetiniń memlekettik basqarý magıstri dárejesin alǵan. 2018 jyly "Shymkent "ÁKK" AQ Basqarma tóraǵasy, 2019 jyly Túrkistan qalasynyń ákimi bolǵan. 

Jaqynda Rashıd Aıýpov óziniń twitter paraqshasynda kásipker, Tesla jáne SpaceX kompanıalarynyń bas atqarýshy dırektory Ilon Maskty Túrkistanda Tesla zaýytyn salýǵa shaqyrǵan edi. 

Al Túrkistan qalasynyń basshylyǵyna buǵan deıin Túrkistan oblysy Ordabasy aýdanynyń ákimi bolǵan Nurbol Turashbekov keldi.